అడవికి, పర్యావరణానికి చిహ్నంగా మర్రి చెట్టు. పంచభూతాలకు ప్రతీకలుగా ఐదు ఆవరణలుగా ఈ చెట్టు విభజించబడింది.

మర్రి చెట్టు పచ్చదనానికి, వనానికి, జీవజాలానికి సంకేతం కాగా చెట్టుపై ఉన్న ఐదు ఆవరణలు భూమి, నీరు, అగ్ని, వాయువు, ఆకాశం అనే పంచభూతాలకు ప్రతీకలుగా వివిధ రంగుల్లో చిత్రించబడినాయి

దీనికి అనుబంధంగా ఆంధ్రప్రదేశ్ రాష్ట్ర రేఖా చిత్రం. వీటికి పైభాగంలో గగనతలంలో స్వేచ్చగా విహరిస్తున్న పక్షి  చిత్రించారు.

మర్రిచెట్టుకు ఇరువైపులా రాష్ట్ర మృగం కృష్ణజింక చిత్రాలు ఉన్నాయి.

వృక్ష కాండానికి దిగువన మూలభాగంలో అడవితల్లి చల్లని చూపులను, ఆమె భ్రూ మధ్యంలో జ్ఞాన చిహ్నమైన దీపాన్ని, విద్యకు సంకేతమైన పుస్తకాన్ని చిత్రించారు.

చెట్టు యొక్క కాండంపై చిన్ముద్రలో ఉన్న అభయ హస్తాన్ని సంరక్షణకు, ఆశీర్వచనానికి చిహ్నంగా తీర్చిదిద్దారు.

కాండంపై గల చిన్ముద్రను చూస్తే వనసంరక్షణ స్ఫురిస్తుంది.

అడవితల్లి మనలను ఆశీర్వదిస్తున్న భావన కలుగుతుంది. వన విద్య, వన సంరక్షణపై అవగాహనతో జీవన వికాసం, పురోగతి సాధ్యమని దీపం, పుస్తకం ద్వారా అర్థం చేసుకోవచ్చు.