వందనం వన దేవతా..! అకాడమీ గీతం

​

రచన, స్వరకల్పన - నూజిళ్ల శ్రీనివాస్, లెక్చరర్, రాజమహేంద్రవరం

సంగీతం, గానం       - వెంపలి అఖిల, విశాఖపట్నం

 

సాకి:          వృక్షో రక్షతి రక్షితః

                 వందే ప్రకృతి మాతరం!

​

పల్లవి:      వందనం వనదేవతా

                 అభివందనం వనదేవతా

                 వనరులిచ్చి, కరుణ చూపి,

                 ముదమునిడు వరదేవతా!

​

చరణం-1: జన్మమెత్తిన నాటినుండి

                 సర్వమిచ్చే తల్లిగా

                 చల్లని ఒడిలోన

                 జీవుల కాచు కల్పవల్లిగా

                 నీదు మహిమలనెన్న తరమా?

                 నీవు లేక బ్రతుక గలమా?

​

చరణం-2: శిక్షణను, క్రమశిక్షణను

                  అలవరచు కొందుము సేవలో

                  దట్టమగు నీ పరిసరాలను

                  రక్ష చేతుము శక్తితో

                  ప్రేమతో ఆశీస్సులిమ్మా

                   ఆశయాలకు బలమునిమ్మా!

​

చరణం-3: "వృక్షో రక్షతి రక్షితః" అను

                  మంత్రమే మా సాధనై

                   వన్యప్రాణుల సంరక్షణ

                   అనునిత్యము ఆరాధనై

                   నిన్ను కొలిచే సాధకులము!

                   వెన్ను చూపని రక్షకులము!